Sinenkodan maraqlı etiraf: "İmişli" "Neftçi" ilə oyundan öncə bunlara hazırlaşırmış – MÜSAHİBƏ

Misli Premyer Liqasının XII turunda "İmişli" səfərdə "Neftçi"ni 3:2 hesabı ilə məğlub edib.

Dueldən sonra qonaqların qapıçısı Andrey Sinenko Sport1.az-a müsahibə verdi... 

- ⁠Qarşılaşma haqqında nə düşünürsən?

- ⁠Möhtəşəm oyun idi. Bol qollu görüş keçdi. Düşünürəm ki, hər kəsin bəyənəcəyi matç idi.

- Oyunun taleyini həll edəcək seyvlər etdin...

- Bu, mənim işimdir. Komandama fayda verdiyim üçün xoşbəxtəm. Hər gün üzərimdə çalışıram. 

- Bu nəticə sizin üçün gözlənilən idi?

- ⁠Maksimal nəticəyə hazırlaşmışdıq. Baş məşqçi bizə lazımi tapşırıqları vermişdi. Bu vəzifələrin öhdəsindən layiqincə gəldik.

- Evdə "Neftçi" ilə heç-heçə etdiniz, səfərdə onlara qalib gəldiniz. Bu fərqi nə ilə əlaqələndirə bilərsiniz?

- ⁠Bu gün qələbəni çox istəyirdik. "Neftçi" həqiqətən də təcrübəli oyunçulardan ibarət kollektivə malikdir. Onların da bir sıra qol şansları var idi. Lakin biz rəqibimizi üstələdik və azca da olsa, bəxt amili sayəsində qələbə qazandıq.

- Standart vəziyyətlərdən 2 qol vurdunuz. "Neftçi"də belə boşluğun olduğunu öncədən bilirdiniz?

- ⁠Heç nə öz-özünə olmur. Bunun üçün öncədən hazırlaşmışdıq. Oyunda isə uğurla tətbiq edə bildik.

MİKAYIL HACIYEV