Maktominaydan “Napoli”yə sədaqət jesti

“Napoli”nin və Şotlandiya millisinin üzvü Skott Maktominay yay “transfer pəncərəsi”ndə komandadan ayrılmaqdan imtina edib.

Sport1.az xəbər verir ki, tanınmış insayder Nikolo Skiranın məlumatına görə, 28 yaşlı yarımmüdafiəçi Səudiyyə Ərəbistanından gələn yüksək məbləğli təklifi, həmçinin Premyer Liqadan iki ciddi variantı rədd edib.

Maktominay 2024-cü ilin yayından Neapol təmsilçisinin heyətində çıxış edir və Antonio Kontenin komandasında əsas fiqurlardan birinə çevrilib. Ötən mövsüm o, A Seriyasının ən yaxşı futbolçusu seçilmişdi və “Napoli” tarixində 4-cü çempionluğunu əldə etmişdi.

Qeyd edək ki, Maktominay cari mövsümdə bütün turnirlərdə 12 oyunda 4 qol və 1 məhsuldar ötürmə ilə yadda qalıb.