“Real”ın ulduzu şayiələri təkzib etdi: “Mətbuatda yazılanlar həqiqət deyil”

“Real Madrid”in qapıçısı Tibo Kurtua baş məşqçi Xabi Alonsonun komandaya nəzarəti itirdiyi barədə yayılan xəbərlərə münasibət bildirib.

Sport1.az xəbər verir ki, belçikalı qolkiper mətbuatda yazılanların həqiqəti əks etdirmədiyini deyib:

“Şəxsən öz adımdan danışsam, baş məşqçi ilə münasibətlərimdə heç bir problem hiss etmirəm. Amma hər bir komandada narazı oyunçular olur. Sadəcə ona görə ki, ya oynamırlar, ya da istədikləri mövqedə çıxış etmirlər.

Biz hər şeyi üz-üzə müzakirə edirik, heç bir problem görməmişəm. Ona görə də deyilənlər həqiqət deyil. Sadəcə səs-küy yaratmaq üçün ortaya atılan məlumatdır”.