Kroos Vinisiusu tənqid etdi

“Real Madrid”in sabiq yarımmüdafiəçisi Toni Kroos komandanın hücumçusu Vinisius Juniorun davranışları ilə bağlı narazılığını bildirib.

Sport1.az xəbər verir, alman veteran futbolçu braziliyalının emosiyalarına nəzarət edə bilməməsinin komanda üçün problem yaratdığını vurğulayıb:

“Çox vaxt ona artıq kifayət olduğunu deyirdim. Hamımız hiss edirdik ki, bu davranışlar komandaya mənfi təsir edir. Meydanda onu sakitləşdirməyə çalışırdım ki, konsentrasiyasını itirməsin. Ona deyirdim: “Vinisius, sən o qədər yaxşı futbolçusan ki, buna ehtiyac yoxdur”. Mən də əvəzlənməyi sevmirdim, amma heç vaxt dərhal paltardəyişmə otağına getməmişəm”.

Qeyd edək ki, Vinisius Junior bu mövsüm bütün turnirlərdə 16 oyunda 5 qol və 5 məhsuldar ötürmə ilə yadda qalıb.