Braziliyalı ulduzdan “Real” etirafı

“Mançester Yunayted”in yarımmüdafiəçisi Kazemiro Madrid “Real”ının durumu barədə fikirlərini bölüşüb.

Sport1.az xəbər verir ki, braziliyalı futbolçu sabiq komandasını izləməyə vaxt tapmadığını bildirib:

“İndi onlarla maraqlanmıram. “Mançester Yunayted”də kifayət qədər işim var və “Real” barədə düşünməyə imkan olmur. Hamı bilir ki, o klub və o şəhər mənim üçün nə qədər önəmlidir, amma hazırda “Real” haqqında düşünmürəm”.

Qeyd edək ki, Kazemiro Madrid təmsilçisinin heyətində 336 oyunda çıxış edib, 31 qol və 29 assistlə yadda qalıb. O, “Real”la birlikdə beş dəfə Çempionlar Liqasının qalibi olub.