“Yuventus” əfsanəsi: “Kenan hələ liderlik yükünə hazır deyil”

“Yuventus”un 10 nömrəli formanı Kenan Yıldizə həvalə etməsi normal addım idi, amma onu kapitan səviyyəsində bir fiqur kimi görmək hazırkı mərhələdə doğru olmaz”.

Sport1.az xəbər verir ki, bu fikirlər Turin klubunun sabiq futbolçusu Massimo Mauroya məxsusdur.

Mauro hesab edir ki, 20 yaşlı hücumçu hələ liderlik yükünü daşıyacaq keyfiyyətləri tam formalaşdırmayıb:

“Kapitan olmaq üçün futbolçu həm klub, həm komanda yoldaşları, həm də azarkeşlər üçün nümunə olmalıdır. Ümid edirəm, Kenan yaxın zamanda müsahibələri italyanca verməyə başlar. O, daha çox məsuliyyətlərin bir neçə əsas oyunçu arasında bölüşdürüldüyü “Mançester Siti” və ya “Real Madrid” kimi mühitə uyğun gəlir”.

Qeyd edək ki, Türkiyə millisinin üzvü ilə yeni müqavilə danışıqları ləng gedir. Bu arada “Çelsi”, “Arsenal” və “Real Madrid”in Yıldızı transfer siyahısına daxil etdiyi bildirilir.