Polşalı ulduz qərarını verdi: “Barselona”dan ayrılacaq?

Polşalı hücumçu Robert Levandovski yay “transfer pəncərəsi”ndə “Barselona”dan ayrılmaq niyyətində deyil.

Sport1.az xəbər verir ki, bu barədə məlumatı jurnalist Florian Plettenberq X platformasında yayıb. Onun sözlərinə görə, 37 yaşlı forvard mövsümün sonunda karyeranı bitirmək variantını da gündəmdə görmür.

Levandovski cari mövsümdə Kataloniya təmsilçisinin heyətində 12 matça çıxıb və 7 qola imza atıb.

Qeyd edək ki, son günlər mediada futbolçuya “Milan” və “Fənərbağça”nın maraq göstərdiyi bildirilirdi. Levandovskinin “Barselona” ilə müqaviləsi 2026-cı ilin 30 iyununa qədər qüvvədədir.