"Barselona"nın Keyn planı

“Barselona” yay transfer pəncərəsində hücum xəttini gücləndirmək niyyətindədir.

Sport1.az xəbər verir ki, “The Guardian”ın məlumatına görə, Kataloniya klubu Robert Levandovskinin mümkün gedişi fonunda “Bavariya”nın hücumçusu Harri Keyni əsas namizəd kimi görür.

Mənbənin məlumatına görə, 32 yaşlı ingilis forvard “Barselona” rəhbərliyi tərəfindən ideal hücumçu variantı hesab olunur. Klub qarşıdakı yayda Keynin müqaviləsindəki 65 milyon avroluq təzminat maddəsini aktivləşdirməyə hazırdır.

Cari mövsümdə “Bavariya”nın aparıcı futbolçularından biri olan Keyn 17 matçda 23 qol vurub və 3 məhsuldar ötürmə ilə yadda qalıb. Onun Almaniya təmsilçisi ilə müqaviləsi 2027-ci ilin ortalarına qədər qüvvədədir.