Laporta Messi transferi ilə bağlı açıqlama verdi

"Barselona"nın prezidenti Xuan Laporta son zamanlar gündəmdə olan Messinin Kataloniya təmsilçisinə geri dönməsi ilə bağlı yayılan xəbərlərə münasibət bildirdi.

Sport1.az xəbər verir ki, ispaniyalı klub başçısı bu məlumatları təkzib edib:

"Realistik olmayan məsələləri danışmağı sevmirəm. Leonun "Kamp Nou"ya qayıdışı hamımızı sevindirdi. Bura onun evidir və hər kəs bunu bilir. Hələ də düşünürəm ki, o, ən yaxşı sağollaşma mərasiminə layiq idi. Heç nədən peşman deyiləm. Elə bir situasiyada idik ki, maliyyə problemlərimiz səbəbindən Messini satmalı olduq. Həmin vaxt onu saxlamaq mümkün deyildi".