“Bütün ili məni izləmək üçün ödəyirsiniz” — Vinisiusdan “Rayo” azarkeşlərinə

“Real Madrid”in ulduzu Vinisius Junior “Rayo Valyekano” azarkeşləri ilə matç zamanı gərgin anlar yaşayıb.

Sport1.az xəbər verir ki, La Liqanın XII turunda keçirilən və qolsuz bərabərliklə başa çatan qarşılaşma zamanı braziliyalı hücumçu tribunadakı azarkeşlərlə dəfələrlə söz mübahisəsinə girib.

Ev sahibi komandanın fanatları Vinisiusa “sən biabırçısan” deyə qışqırıblar. Futbolçu isə cavabında “Mən elə deyiləm, bunu özünüz də bilirsiniz” sözlərini işlədib.

Azarkeşlər, həmçinin 2024-cü ildə “Qızıl top”u qazana bilmədiyi üçün ona “Vinisiusa — çimərlik topu!” şüarları səsləndiriblər. Bu təhqirlərə cavab olaraq Vinisius belə deyib:
“Bütün il boyu mənə baxmaq üçün pul ödəyirsiniz”.