“Atalanta”da yeni dövr

İtaliya A Seriyası təmsilçisi “Atalanta” baş məşqçi dəyişikliyi edib.

Sport1.az xəbər verir ki, klubun mətbuat xidməti Raffaele Palladinonun əsas komandanın sükanı arxasına keçdiyini açıqlayıb. 40 yaşlı italiyalı mütəxəssislə müqavilə 2027-ci ilin iyun ayının sonuna qədər qüvvədə olacaq.

Palladino ötən mövsüm “Fiorentina”ya rəhbərlik edib, lakin yayda klub rəhbərliyi ilə fikir ayrılığı səbəbindən postunu tərk edib. “Atalanta” isə son səkkiz liqa qarşılaşmasında cəmi 6 xal toplayıb — komanda “Udineze”yə (0:1) və “Sassuolo”ya (0:3) uduzub, digər altı oyunda isə heç-heçə ilə kifayətlənib.

Hazırda Berqamo təmsilçisi 11 turdan sonra 13 xalla turnir cədvəlinin 13-cü pilləsində qərarlaşıb. “Atalanta” növbəti turda səfərdə “Napoli” ilə üz-üzə gələcək.