Yamal zədəsi barədə: “Heç nə oxumamağa çalışıram”

“Barselona”nın yarımmüdafiəçisi Lamin Yamal zədəsi ilə bağlı yayılan xəbərlərə münasibət bildirib.

Sport1.az xəbər verir ki, 18 yaşlı futbolçu “ESPN”ə açıqlamasında özünü yaxşı hiss etdiyini deyib:

“Mənim vəziyyətim qaydasındadır. Oxuduqlarımın heç birinə fikir vermirəm. Zədəm və guya depressiyada olmağım barədə çox şey yazıldı, amma bunların hamısı yalandır. Sadəcə əvvəlki səviyyəmə qayıtmaq və özümü ən yaxşı formada hiss etmək üçün çox çalışmaq istəyirdim”.

Qeyd edək ki, Yamal bu mövsüm qasıq nahiyəsindəki zədə səbəbindən “Barselona”nın beş oyununu buraxıb. Bəzi mənbələrdə onun əməliyyat olunacağı barədə məlumatlar da yer almışdı.

Gənc futbolçu cari mövsümdə 10 matçda 5 qol vurub, 6 məhsuldar ötürmə edib.