“Maradona” qalmaqalı: “Napoli” prezidenti od püskürdü
“Napoli”nin prezidenti Aurelion De Laurentiis klubun ev oyunlarını keçirdiyi “Dieqo Armando Maradona” stadionunu kəskin şəkildə tənqid edib.
Sport1.az xəbər verir ki, “Football Italia” nəşrinə danışan De Laurentiis arenanın vəziyyətindən ciddi narazılığını bildirib:
“Maradona” artıq yararsız vəziyyətdədir! Bunu əvvəllər də demişdim. PSJ stadion icarəsinə bizim qədər ödəyir, amma onların tam ixtiyarı var və ildə 100 milyon avro gəlir əldə edirlər. Biz isə arenadan yalnız üç gün – oyundan əvvəl, oyun zamanı və sonra istifadə edə bilirik. Stadion köhnədir, üzərində yüngül atletika zolağı və azarkeşləri meydandan uzaqlaşdıran xəndək var. Azarkeşlər stadiona avtomobillə rahat gələ bilmək istəyirlər. Bizə müasir tələblərə cavab verən stadion üçün təxminən 30 hektar ərazi lazımdır”.
