“Kayrat”ın 18 yaşlı qapıçısı təhsil təqaüdü ilə mükafatlandırılıb

“Kayrat” (Almatı) klubunun 18 yaşlı qapıçısı Şerxan Kalmurza Qazaxıstanın elm və ali təhsil naziri Sayasat Nurbek tərəfindən rektorun təhsil təqaüdünə layiq görülüb.

Sport1.az xəbər verir ki, bu barədə nazirliyin saytında məlumat verilib.

Nazir bildirib ki, idmançıların beynəlxalq standartlara uyğun keyfiyyətli təhsil alması mühüm əhəmiyyət daşıyır:

“Bu, onlara təkcə idmanda deyil, karyeraları bitdikdən sonra da yeni imkanlar açır və hərtərəfli inkişaf etmiş şəxsiyyət kimi formalaşmalarına kömək edir. Şerxanın nümunəsi ilhamvericidir. Onun çıxışı Qazaxıstan gəncliyi üçün motivasiyadır. Bu uğura görə onu təbrik edir və gələcək oyunlarında uğurlar arzulayıram”.

Qeyd edək ki, Kalmurza Çempionlar Liqasının qrup mərhələsinin ilk iki oyununda — “Sportinq”ə (1:4) və Madrid “Real”ına (0:5) qarşı meydana çıxıb. Komandası hər iki boyük hesabla uduzsa da, qapıçı özü bu oyunlarda yaxşı oyun göstərib.

İspan nəhəngi ilə görüşdən sonra isə gənc qapıçıya bloger və iş adamı Ulugbey Şaripov avtomobil hədiyyə edib.