AFFA niyə klubların pulunu köçürə bilmir? - ARAŞDIRMA

AFFA növbəti dəfə çətin duruma düşüb.

Sport1.az-a daxil olan məlumata görə, assosasiya dövlətdən ayrılan 2,5 milyon manatı klublara köçürə bilmir. Bu səbəbdən də Premyer Liqa təmsilçilərinin bəziləri futbolçuların maaşlarını ödəməkdə çətinlik çəkir.

Problem nədən qaynaqlanır? Pulun köçməməsinə səbəb nədir? Ümumiyyətlə, sistem necə təmzinlənir?

Sport1.az olaraq məsələ ilə bağlı araşdırma apardıq. Əvvəllər SOCAR-dan ayrılan 39 milyon manat birbaşa AFFA-nın hesabına köçürdü. Qurum da həmin vəsaiti 10 ay ərzində klublara yönləndirirdi.

İndi sistem bir qədər dəyişib. AFFA ARDNŞ-dən köçürülən pulu Ədliyyə Nazirliyində qrant olaraq göstərməlidir. Klublara ayrılan vəsait isə subqrant olaraq qeyd olunmalıdır. Problem də bundan qaynaqlanır. AFFA yuxarıda qeyd olunan prosesləri icra edə bilmir. Bu səbəbdən də klublara vəsait ayrılmır. Federasiya rəsmilər Premyer Liqa, I Liqa və II Liqa rəsmilərinə tezliklə problemin həll olunacağını bildiriblər.

Məsələ ilə bağlı qarşı tərəfin fikirlərini işıqlandırmağa hazırıq.

İLKİN SULTANLI