Avropada beşinci het-trik

Azərbaycanı Avropa Liqasında təmsil edən “Sabah” klubunun futbolçusu Coy Lens Mikels avrokuboklarda het-trik edən beşinci futbolçumuz olub.

Sport1.az xəbər verir ki, Masazır təmsilçisi I təsnifat mərhələsinin cavab oyununda səfərdə Sloveniya təmsilçisi “Selye” ilə qarşılaşıb. Görüş 3:3 hesabı ilə başa çatıb. “Sabah”ın 31 yaşlı almaniyalı hücumçusu Mikels bu oyunda üç qol vuraraq het-trikə imza atıb. O, bu nailiyyətə səfər görüşündə və əlavə vaxtda imza atan nadir oyunçulardan biri olub.

Mikelsdən əvvəl Azərbaycan klublarının heyətində avrokuboklarda dörd futbolçu het-trikə nail olub:

2000/01 mövsümündə Badri Kvaratsxeliya (“Şəmkir”) – “Skonto”ya (4:1) qarşı, Çempionlar Liqası

2014/15 mövsümündə Ernest Nfor (“Neftçi”) – “Çixura”ya (3:2) qarşı, Avropa Liqası

2015/16 mövsümündə Teo Uiks (“Qəbələ”) – “Samtredia”ya (5:1) qarşı, Avropa Liqası

2024/25 mövsümündə Olavio Juninyo (“Qarabağ”) – “Linkoln”a (5:0) qarşı, Çempionlar Liqası

Coy Lens Mikels isə bu uğura 2025/26 mövsümündə, Avropa Liqasının təsnifat mərhələsində “Selye” ilə görüşdə imza atıb.

Qeyd edək ki, Bakıdakı ilk oyunda 2:3 hesabı ilə məğlub olan “Sabah” səfərdə eyni hesabla qalib gəlsə də, əlavə vaxtda buraxdığı qolla Avropa Liqası ilə vidalaşıb. Komanda yoluna UEFA Konfrans Liqasında davam edəcək.