"Vətənə uğurla qayıtmağa çalışacağıq" - "Sabah"ın üzvü

Bu gün Avropa Liqasının I təsnifat mərhələsinin cavab matçında "Sabah" "Çelye" ilə üz-üzə gələcək.

Sport1.az xəbər verir ki, təmsilçisi ilk görüşdə 2:3 hesabı ilə məğlub olsa da, şanslarını saxlayır. Abdulla Xaybullayev də belə düşünür.

"Sabah"ın üzvü Sport1.az-a açıqlamasında cavab matçında qələbə qazanaraq vətənə qalib geri dönmək istədiklərini bildirdi:

"Çelye"yə qarşı gözlədiyimizdən də çətin oyun keçirdik. Qarşımızda güclü və istəkli bir rəqib var idi. Onlardan bu cür oyun gözləyirdik. Qarşılaşmaya yaxşı başladıq. Birinci hissədə meydanda üstün tərəf biz idik – həm topa nəzarət, həm də yaratdığımız epizodlar baxımından. Təəssüf ki, fasilədən sonra bir qədər geri çəkildik və oyunun tempi düşdü. Bu da rəqibin hücumda fəallaşmasına səbəb oldu və nəticədə iki qol buraxdıq. Yekunda istəyimizə çatmasaq da, ilk hissədəki oyunumuz ümidvericidir. Bunun üzərində işləyərək cavab görüşündə daha güclü olub, vətənə uğurla qayıtmağa çalışacağıq".

MİRZƏ S.