Avropa Liqası / Manşet
10:54
17.07.2025
551
Vaqif Sadıqov: "Nokdaun olsaq da, nokaut olmamışıq" - AÇIQLAMA
Bu gün "Sabah" Avropa Liqasının I təsnifat mərhələsinin cavab matçında "Çelye" ilə üz-üzə gələcək.
Sloveniyada keçiriləcək qarşılaşmada "bayquşlar" üçün çətin olacaq. Çünki təmsilçisi Bakıda oyunda 2:3 hesabı ilə məğlub olub.
Valdas Dambrauskasının komandası geridönüş edə biləcək? "Sabah"ın mərhələ keçmək şansları var? Suallarımızı Vaqif Sadıqova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:
“Sabah” ilk matça pis başlamadı. Komanda “Çelye"yə qarşı yaxşı mübarizə apardı. Heç kimin ağlına gəlməzdi ki, təmsilçimiz ötən il Konfrans Liqasında yarımfinala qədər irəliləyən komandayla görüşdə həm erkən qol vuracaq, həm də hesabda iki dəfə irəli çıxacaq. “Sabah” ilk oyunda xoş təsir bağışladı, amma əlinə düşən bəzi qol imkanlarından yararlana bilmədi. Müdafiədə bəzi boşluqlar və fərdi səhvlər oldu ki, rəqib bundan maksimum istifadə etdi. Masazır təmsilçisi sərgilədiyi oyuna görə məğlubiyyətə layiq deyildi. Sloveniyalılar ölkələrinə qələbəylə qayıtsalar da, hələ heç nə bitməyib. “Çelye" nisbi üstünlük əldə edib. Dambrauskas iddialı və optimist məşqçidir. O, matçdan sonra mətbuat konfransında sona qədər döyüşəcəklərini və mərhələ keçməyə fokuslandığını bildirib. Gəlin, hamılıqla litvalı mütəxəssisə inanaq və dəstəyimizi əsirgəməyək. Avrokubok matçları iki raundulu oyundan ibarətdir. Birinci raundda nokdaun olsaq da, nokaut olmamışıq. Düşünürəm ki, Sloveniyada daha ağır, maraqlı 90 dəqiqəyə şahidlik edəcəyik. “Sabah”ın sona qədər döyüşərək uğur qazanacağına inanıram”.
MİRZƏ S.
Sloveniyada keçiriləcək qarşılaşmada "bayquşlar" üçün çətin olacaq. Çünki təmsilçisi Bakıda oyunda 2:3 hesabı ilə məğlub olub.
Valdas Dambrauskasının komandası geridönüş edə biləcək? "Sabah"ın mərhələ keçmək şansları var? Suallarımızı Vaqif Sadıqova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:
“Sabah” ilk matça pis başlamadı. Komanda “Çelye"yə qarşı yaxşı mübarizə apardı. Heç kimin ağlına gəlməzdi ki, təmsilçimiz ötən il Konfrans Liqasında yarımfinala qədər irəliləyən komandayla görüşdə həm erkən qol vuracaq, həm də hesabda iki dəfə irəli çıxacaq. “Sabah” ilk oyunda xoş təsir bağışladı, amma əlinə düşən bəzi qol imkanlarından yararlana bilmədi. Müdafiədə bəzi boşluqlar və fərdi səhvlər oldu ki, rəqib bundan maksimum istifadə etdi. Masazır təmsilçisi sərgilədiyi oyuna görə məğlubiyyətə layiq deyildi. Sloveniyalılar ölkələrinə qələbəylə qayıtsalar da, hələ heç nə bitməyib. “Çelye" nisbi üstünlük əldə edib. Dambrauskas iddialı və optimist məşqçidir. O, matçdan sonra mətbuat konfransında sona qədər döyüşəcəklərini və mərhələ keçməyə fokuslandığını bildirib. Gəlin, hamılıqla litvalı mütəxəssisə inanaq və dəstəyimizi əsirgəməyək. Avrokubok matçları iki raundulu oyundan ibarətdir. Birinci raundda nokdaun olsaq da, nokaut olmamışıq. Düşünürəm ki, Sloveniyada daha ağır, maraqlı 90 dəqiqəyə şahidlik edəcəyik. “Sabah”ın sona qədər döyüşərək uğur qazanacağına inanıram”.
MİRZƏ S.
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.