Futbol / Manşet
13:42
9.05.2025
312
Xaqani Məmmədov üsyan etdi: "İndi məhəllələrin çoxunda futbol oynamaq üçün meydançalar tapılmır" - AÇIQLAMA
Misli Premyer Liqasında mövsüm başa çatmaq üzrədir.
Sona 3 tur qalmış bombardirlik yarışında 2 futbolçunun mübarizəsinə şahidlik edirik. "Qarabağ"ın üzvü Leandro Andrade 14 qolla liderdir. İkinci sırada Salifu Suma yer alıb. Vinger rəqibləri 12 dəfə məyus edib. İlk onluqda isə cəmi 2 azərbaycanlı yer alıb. 9 qol vuran Nəriman Axundzadə 7-ci pillədə qərarlaşıb. Rəqibləri 8 dəfə məyus edən Filip Ozobiç isə 10-cudur. Pleymeyker də milliləşdirdiklərimizdəndir.
Görəsən, yerli futbolçular niyə qol vura bilmirlər? Azərbaycanlıların susqunluğunun səbəbi nədir? Suallarımızı veteran futbolçu Xaqani Məmmədova ünvanladıq. 2007/08 mövsümünün bombardiri mövzu ilə bağlı Sport1.az-a açıqlamasında bunları söylədi:
“Yerli futbolçularımızın Premyer Liqamızda bombardir ola bilməməsinin bir çox səbəbləri var. Əvvəla uşaq futbol məktəbimiz çox zəifdir və aşağıdan oyunçu demək olar ki, gəlmir. Futbol akademiyalarımız yavaş-yavaş çoxalsa da, hələ də müasir futbol ilə ayaqlaşa bilmir. Belə olanda yaxşı uşağın yetişməsi çətinləşir. Bizim dövrümüzdə çox vaxt küçələrdə, məhəllələrdə top dalınca qaçırdıq. İndi məhəllələrin çoxunda futbol oynamaq üçün meydançalar tapılmır.
İkinci səbəb bölgələrdə futbol komandalarının olmamasıdır. Bir vaxtlar güclülər dəstəsində region təmsilçiləri çoxluq təşkil edirdi. Belə olduqda yerli futbolçularımız daha çox oynamaq şansı qazanırdı. Düşünürəm ki, nə qədər rayon komandaları çox olsa, yerli futbolçuların oynamaq şansları çoxalacaq.
Üçüncü səbəb futbola baxışın dəyişməsidir. Məsələn, bizim vaxtımızda indiki kimi yüksək şərait, yaxşı maliyyə imkanları yox idi. Buna rəğmən, meydanda son dəqiqəyə kimi can qoyurduq. Biz pul naminə yox, özümüzü doğrultmaq və yaxşı futbolçu adını qazanmaq üçün çarpışırdıq. İçimizdə həm güclü istək, həm də futboldan zövq almaq var idi. Hazırda futbolçuların bəziləri daha çox maddi qazancı qabardır.
Dördüncü, sanki yerli futbolçularımızda istək, əzmkarlıq, döyüşkənlik azalıb. Bu da təbii ki, bombardir olmaq iddialılığına təsirsiz ötüşmür”.
MİRZƏ S
Sona 3 tur qalmış bombardirlik yarışında 2 futbolçunun mübarizəsinə şahidlik edirik. "Qarabağ"ın üzvü Leandro Andrade 14 qolla liderdir. İkinci sırada Salifu Suma yer alıb. Vinger rəqibləri 12 dəfə məyus edib. İlk onluqda isə cəmi 2 azərbaycanlı yer alıb. 9 qol vuran Nəriman Axundzadə 7-ci pillədə qərarlaşıb. Rəqibləri 8 dəfə məyus edən Filip Ozobiç isə 10-cudur. Pleymeyker də milliləşdirdiklərimizdəndir.
Görəsən, yerli futbolçular niyə qol vura bilmirlər? Azərbaycanlıların susqunluğunun səbəbi nədir? Suallarımızı veteran futbolçu Xaqani Məmmədova ünvanladıq. 2007/08 mövsümünün bombardiri mövzu ilə bağlı Sport1.az-a açıqlamasında bunları söylədi:
“Yerli futbolçularımızın Premyer Liqamızda bombardir ola bilməməsinin bir çox səbəbləri var. Əvvəla uşaq futbol məktəbimiz çox zəifdir və aşağıdan oyunçu demək olar ki, gəlmir. Futbol akademiyalarımız yavaş-yavaş çoxalsa da, hələ də müasir futbol ilə ayaqlaşa bilmir. Belə olanda yaxşı uşağın yetişməsi çətinləşir. Bizim dövrümüzdə çox vaxt küçələrdə, məhəllələrdə top dalınca qaçırdıq. İndi məhəllələrin çoxunda futbol oynamaq üçün meydançalar tapılmır.
İkinci səbəb bölgələrdə futbol komandalarının olmamasıdır. Bir vaxtlar güclülər dəstəsində region təmsilçiləri çoxluq təşkil edirdi. Belə olduqda yerli futbolçularımız daha çox oynamaq şansı qazanırdı. Düşünürəm ki, nə qədər rayon komandaları çox olsa, yerli futbolçuların oynamaq şansları çoxalacaq.
Üçüncü səbəb futbola baxışın dəyişməsidir. Məsələn, bizim vaxtımızda indiki kimi yüksək şərait, yaxşı maliyyə imkanları yox idi. Buna rəğmən, meydanda son dəqiqəyə kimi can qoyurduq. Biz pul naminə yox, özümüzü doğrultmaq və yaxşı futbolçu adını qazanmaq üçün çarpışırdıq. İçimizdə həm güclü istək, həm də futboldan zövq almaq var idi. Hazırda futbolçuların bəziləri daha çox maddi qazancı qabardır.
Dördüncü, sanki yerli futbolçularımızda istək, əzmkarlıq, döyüşkənlik azalıb. Bu da təbii ki, bombardir olmaq iddialılığına təsirsiz ötüşmür”.
MİRZƏ S
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.