Mahir Emreli Bundesliqa klubunun təklifini rədd edib

Almaniyanın “Club Fokus” nəşri Mahir Emrelinin karyerasını “Nürnberq”də davam etdirib-etdirməyəcəyi haqda yazı hazırlayıb.

Sport1.az xəbər verir ki, Nürnberqin yerli mediası həmyerlimizin son oyunlarda özünü yaxşı tərəfdən göstərdiyini xatırladıb.

“Mahir Emreli son üç turda ən çox qol vuran futbolçudu. Amma onun başqa uğurları da var. O, həm qollar vurur, həm baş məşqçi Miroslav Klozenin tapşırıqlarını yerinə yetirir. Futbolçu təkcə özünün yox, komandasının da irəliləməsində maraqlıdı. Onun son 7 qapıya zərbəsindən 4-ü qolla nəticələnib. Ümumiyyətlə, Mahir “Nürnberq”in ən sürətli və ən çox qaçan futbolçusudu. Təbii ki, bu göstəricilər onun komanda üçün nə qədər vacib oyunçu olduğunu sübut edir. Amma Emreli hələ bu barədə yekun qərarını açıqlamayıb. “Herta”dan (Berlin) gələn təklifə “yox” cavabı verən hücumçu hələ başqa dəvətlərə üz çevirməyib. Ona həm 1-ci bundesliqadan, həm də başqa ölkələrdən təkliflər var. “Nürnberq”in Mahir uğrunda mübarizədə rəqibləri çoxdu. Görünür, idman direktoru Yoti Çatzialexiou cazibədar maaş təklif etməsə, Mahiri itirəcək”.