“Qarabağ”ın Avroliqa oyunlarının hakimləri

Avropa Liqasının 1-ci təsnifat mərhələsində keçiriləcək “Qarabağ” (Azərbaycan) – “Vestri” (İslandiya) matçının hakim təyinatları müəyyənləşib.

Sport1.az xəbər verir ki, iyulun 9-da Bakıdakı Tofiq Bəhramov adına Respublika stadionunda keçiriləcək qarşılaşmanı Moldovadan olan hakimlər briqadası idarə edəcək.

Baş hakim Roman Jitar, yan xətt hakimləri Vlad Lifçu və Vadim Vikol, dördüncü hakim Andrey Bregutse olacaq. VAR hakimi İsveçrədən Luka Çibelli, AVAR hakimi isə Anoen Kanaqasinqam təyin edilib.

Qeyd edək ki, “Qarabağ” – “Vestri” görüşü iyulun 9-da keçiriləcək. Oyuna saat 20:00-da start veriləcək.

Bu komandaların iyulun 16-da Reykyavikdəki “Trouttarvöllur” stadionunda keçiriləcək cavab qarşılaşması isə Çexiyadan olan hakimlər briqadasına tapşırılıb. Baş hakim Marek Radina olacaq. Ona yan xətt hakimləri Kamil Hayek və Petr Kotalik kömək edəcəklər. Dördüncü hakim funksiyasını Daniel Vokoun yerinə yetirəcək.

VAR hakimi Tomaş Koçurek, AVAR hakimi isə Andrey Berka olacaq.

“Vestri” – “Qarabağ” görüşü iyulun 16-da yerli vaxtla saat 20:00-da (Bakı vaxtı ilə 17 iyul, saat 00:00-da) start götürəcək.