“Sabah”ın ÇL-dəki oyunlarının hakim təyinatları açıqlanıb

"Sabah"ın UEFA Çempionlar Liqasının 1-ci təsnifat mərhələsində TNS-lə (Uels) keçiriləcək oyunları üçün hakim təyinatları açıqlanıb.

Sport1.az xəbər verir ki, Masazırda iyulun 7-si saat 20:00-da başlayacaq ilk görüşü polşadan olan hakimlər briqadası idarə edəcək.

Oyunun baş hakimi Patrik Qriskieviç, koməkçiləri isə Marçin Boniek və Bartoz Kasunski olacaq. Dördüncü hakim funksiyasını isə Voyçex Mus yerinə yetirəcək.

Komandalar arasında iyulun 14-ü saat 21:30-da başlayacaq Uelsdə keçiriləcək cavab matçını isə İspaniyadan olan hakimlər idarə edəcək. Oyunun baş hakimi Mateu Buskets Ferrer, köməkçiləri isə İniqo Prieto və Qonzalo Qarsiya olacaq. Migel Anhel Ortiz isə dördüncü hakim funksiyasını yerinə yetircəcək.