PSJ-nin futbolçusu İtaliya yolunda

"Milan" Qonsalo Ramuş üçün PSJ-yə təklif göndərib.

Sport1.az "Le Figaro" nəşrinə istinadən xəbər verir ki, "rossoneri" artıq portuqaliyalı forvard və onun agenti Xorxe Mendeşlə şəxsi müqavilə şərtləri ilə bağlı danışıqlar aparır.

Bir müddət əvvəl bildirilirdi ki, Ramuş daha çox oyun vaxtı qazanmaq üçün klubunu dəyişə bilər. "Yuventus" və Madrid "Atletiko"su da 25 yaşlı hücumçu ilə maraqlanır.

Qeyd edək ki, futbolçu ötən mövsüm PSJ-nin heyətində bütün turnirlərdə 45 oyun keçirib, 12 qol vurub və 2 məhsuldar ötürmə edib. Hücumçu hazırda Portuqaliya millisinin heyətində DÇ-2026-da iştirak edir.