Azərbaycanda çalışan bu mütəxəssislər UEFA Pro lisenziyasına yiyələndilər - ÖZƏL

UEFA PRO kateqoriyalı məşqçi kursunu uğurla başa vuran mütəxəssislərin adları müəyyənləşib.

Sport1.az-ın əldə etdiyi məlumata görə, prosesdə iştirak edən 10 məşqçidən 8-i imtahanı keçməyi bacarıb.

Bunlar Azərbaycan millisinin köməkçi məşqçisi Elnur Çodarov, U-21-in köməkçi məşqçisi Fərid Namazov, “Şəfa”nın sabiq köməkçi məşqçisi Zamir Həsənov, “Zaqatala”nın baş məşqçisi Rüstəm Məmmədov, “Neftçi-2”nin çalışdırıcısı Rəşad Abdullayev, MOİK-in məşqçisi Aleksandr Qross, U-20 millisinin və “Sumqayıt-2”nin baş məşqçisi Vaqif Cavadov, həmçinin “Qarabağ”ın fitness məşqçisi Çudomir Çakarovdur.

Adıçəkilən mütəxəssislər UEFA-nın məşqçilər üçün nəzərdə tutulmuş ən yüksək lisenziyası olan UEFA PRO kateqoriyasına yiyələniblər.