"Barselona" ispan futbolçu üçün hərəkətə keçdi

"Valensiya"nın yarımmüdafiəçisi Xavi Qerra La Liqada klubunu dəyişə bilər.

Sport1.az xəbər verir ki, "Barselona" ispaniyalı oyunçunu transfer etmək istəyir. Bu barədə "Diario Sport" nəşri məlumat yayıb.

Kataloniya təmsilçisinin idman direktoru Deko Qerranın nümayəndələri ilə əlaqə saxlayıb. Klubu 23 yaşlı futbolçunu 40 milyon avroluq sərbəstqalma məbləğindən aşağı qiymətə satmağı düşünmür.

Qeyd edək ki, Xavi Qerra 2019-cu ilin yayında "Valensiya"nın akademiyasına qoşulub. İspaniya millisinin üzvü 2025/26 mövsümündə "yarasalar"ın heyətində meydana çıxdığı 40 rəsmi matçda 4 qol və 6 məhsuldar ötürmə ilə yadda qalıb.