Lamin Yamal ardıcıl ikinci dəfə dünyanın ən bahalı futbolçusu seçilib

İspaniyanın “Barselona” klubunun yarımmüdafiəçisi Lamin Yamal Beynəlxalq Futbol Araşdırmaları Mərkəzinin (CIES) versiyasına görə ikinci il ardıcıl dünyanın ən bahalı futbolçusu olub.

Sport1.az xəbər verir ki, bu barədə təşkilatın mətbuat xidməti məlumat yayıb.

CIES 18 yaşlı ispaniyalı futbolçunun transfer dəyərini 358,1 milyon avro qiymətləndirib.

Siyahıda ikinci yeri İngiltərənin “Mançester Siti” klubunun norveçli hücumçusu Erlinq Holand tutub. Onun transfer dəyəri 227,3 milyon avro göstərilib.

İlk üçlüyü isə İspaniyanın “Real Madrid” klubunun fransalı hücumçusu Kilian Mbappe tamamlayıb. Onun bazar dəyəri 165,7 milyon avro olaraq qiymətləndirilib.

Lamin Yamal ötən il də CIES-in ən bahalı futbolçular reytinqinə başçılıq etmişdi. Həmin vaxt onun transfer dəyəri 402,3 milyon avro təşkil edirdi. Reytinqdə ikinci yerdə yenə Holand, üçüncü pillədə isə “Real Madrid”in ingilis yarımmüdafiəçisi Cud Bellinqem qərarlaşmışdı. Bellinqem bu il ilk onluğa düşə bilməyib