DÇ-2026-ya ən çox futbolçu göndərən klub hansıdır?
"Mançester Siti" klubu bu yay keçiriləcək 2026-cı il dünya çempionatına ən çox futbolçu göndərən komanda olub.
Sport1.az xəbər verir ki, "şəhərlilər"in heyətindən turnirdə 12 fərqli milli komandanı təmsil edəcək ümumilikdə 19 futbolçu iştirak edəcək.
Dünya Çempionatına ən çox oyunçu göndərən klubların ilk beşliyi aşağıdakı kimi müəyyənləşib:
"Mançester Siti" - 19 oyunçu (12 milli komanda)
"Bavariya" - 18 oyunçu (10 milli komanda)
"Arsenal" - 16 oyunçu (10 milli komanda)
PSJ - 16 oyunçu (9 milli komanda)
"Barselona" - 15 oyunçu (8 milli komanda)
Qeyd edək ki, futbol üzrə Dünya Çempionatı bu il iyunun 11-dən iyulun 19-na qədər üç ölkədə, ABŞ, Kanada və Meksikada təşkil olunacaq. Bu, dünya çempionatları tarixində eyni anda üç dövlətin ev sahibliyi edəcəyi ilk turnirdir. Ümumilikdə 48 milli komandanın mübarizə aparacağı mundialda 104 qarşılaşmanın keçirilməsi planlaşdırılır.
