3 aydır maaş ala bilməyən futbolçular bu klubu AFFA-ya şikayət etməyə hazırlaşırlar

I Liqanı 3-cü pillədə başa vuran "Səbail"də işlər qaydasında getmir.

Sport1.az-a daxil olan məlumata görə, paytaxt təmsilçisi 3 aydır futbolçuların maaşlarını verə bilmir. Vəziyyətin ağırlığını nəzərə alan komanda üzvləri klubu AFFA-ya şikayət etməyə hazırlaşırlar.

Borcun səbəbi də bəllidir. Mövsümün əvvəlində ASCO kluba maliyyə dəstəyi vəd etsə də, şirkətdə baş verən rəhbər dəyişikliyindən sonra ödənişlər dayanıb.

İddialı heyətlə yola çıxan komanda sonradan vəsait tapmaqda çətinlik çəkib. AFFA-dan ayrılan pullar isə yalnız stadion və digər cari xərcləri ödəməyə yetib.

"Səbail"in toplam borcu 300 min manata yaxındır.