VAR sürətli, qərarlar mübahisəli: Premyer Liqada maraqlı statistika

İngiltərə Premyer Liqasında hakim qərarları ilə bağlı müzakirələr davam edir və cari mövsümdə qeydə alınan səhvlərin sayı ötən illə müqayisədə fərqlənir.

Sport1.az xəbər verir ki, oyun epizodlarını təhlil edən xüsusi komissiya martın 14-dən 16-dək keçirilmiş qarşılaşmalarda əlavə 4 yanlış qərar aşkarlayıb. Beləliklə, mövsümün ilk 30 turu ərzində hakimlərin ümumi səhv sayı 54-ə çatıb.

Müqayisə üçün qeyd edək ki, ötən mövsüm eyni mərhələdə bu rəqəm 44 idi. Buraya VAR müdaxilələri, müdaxilə edilməli olduğu halda edilməyən hallar və baş hakimlərin yanlış qərarları daxildir.

Statistikaya əsasən:

2023/24 mövsümündə 30 tur ərzində 70 səhv qeydə alınıb

2024/25 mövsümündə isə bu göstərici 54 olub

VAR sistemi ilə bağlı yanlış qərarların sayı isə dəyişməyərək 18 olaraq qalır.

Cari mövsümdə səhvlərin bölgüsü belədir:

25 epizodda meydan hakimləri səhvə yol verib

15 halda VAR müdaxilə etməli olsa da, buna ehtiyac duyulmayıb

11 epizod ikinci sarı vərəqə ilə bağlı yanlış qərarla nəticələnib

Bununla yanaşı, VAR müdaxilələrinin ümumi sayı 89-dan 83-ə enib. Qərarların verilmə müddətində də müsbət dinamika müşahidə olunur – orta gecikmə vaxtı 64 saniyədən 48 saniyəyə qədər azalıb.