“Sumqayıt” akademiyasında diqqət bu məsələyə yönəldi

“Sumqayıt” Futbol Akademiyasında “NextGen Performance Workshop” proqramı çərçivəsində psixoloji seanslar təşkil olunub.

Sport1.az xəbər verir ki, akademiyada oğlan və qız komandalarının üzvləri üçün psixoloq tərəfindən xüsusi görüşlər keçirilib.

Seanslar zamanı əsas diqqət motivasiya, məqsədə fokuslanma, diqqətin cəmlənməsi və konsentrasiyanın artırılması kimi mövzulara yönəldilib. Görüşlərin gənc futbolçuların psixoloji hazırlığının gücləndirilməsinə töhfə verdiyi bildirilib.

Qeyd edək ki, akademiyada psixoloqla həm qrup, həm də fərdi görüşlər mütəmadi şəkildə təşkil olunur. Proqramın gələcəkdə də davam etdiriləcəyi planlaşdırılır