“Birinci hissədə nəfəs almaq çətin olur” – “Neftçi”nin futbolçusu Qəbələdəki havadan narazıdır

Misli Premyer Liqasının 24-cü turunda “Neftçi” səfərdə “Neftçi”ni məğlub etdi – 3:1.

Sport1.az xəbər verir ki, qarşılaşmadan sonra bakılıların futbolçusu İmad Faraj jurnalistlərə açıqlama verdi.

Fransalı yarımmüdafiəçi matçla bağlı fikirlərini belə ifadə etdi:

“Matçın ilk hissəsi bizim üçün çətin keçdi. Burada oynadığımız əvvəlki qarşılaşmalarda da bənzər vəziyyət yaşanır. Birinci hissədə nəfəs almaq bir qədər çətin olur. Ola bilsin ki, buna hava şəraiti təsir edir. Adətən ikinci hissədə daha yaxşı çıxış edirik və bu dəfə də belə oldu. Futbolçularımız yaxşı mübarizə apardılar. Komandada keyfiyyətli oyunçular var və bir-birinə kömək etdikdə daha güclü görünürük”.

“Ağ-qaralar”ın üzvü komandanın qarşıdakı hədəflərinə də toxundu:

“İndi bizim üçün ən vacib məsələ qələbə qazanmaqdır. Qarşıda hələ oyunlarımız var və hər matça maksimum ciddi yanaşmalıyıq. Son qarşılaşmada məğlub olduq, amma diqqətimizi növbəti matçlara yönəltməliyik. Mövsümün sonuna qədər hər oyunda qalib gəlmək istəyirik”.