Almaniyalı hücumçu İspaniya nəhənginin hədəfində
Nik Voltemeyde karyerasını İspaniyada davam etdirə bilər.
Sport1.az xəbər verir ki, "Nyukasl"ın üzvü ilə "Barselona" yaxından maraqlanır. Məlumatı "Football365" yayıb.
Kataloniya təmsilçisinin baş məşqçisi Hans-Diter Flik klubun idman direktoru Dekoya yay transfer pəncərəsi zamanı həmyerlisini transfer etməyi tapşırıb. Voltemade mövsümün sonunda "Barselona"dan ayrılacağı gözlənilən Robert Levandovskinin potensial əvəzedicisi kimi nəzərdən keçirilir.
Mümkün transfer kataloniyalılara 70-90 milyon avro arasında başa gələ bilər.
Nik Voltemeyde 2025-ci ildə "Ştutqart"dan "Nyukasl"a 75 milyon avroya keçib. Alman hücumçunun İngiltərə klubu ilə müqaviləsinin müddəti 2031-ci ilin iyul ayına qədərdir.
Qeyd edək ki, forvard bu mövsüm "Nyukasl"ın heyətində bütün turnirlərdə 42 oyunda iştirak edib, 10 qol vurub və 4 məhsuldar ötürmə edib.
