Flik iki məğlubiyyətdən sonra futbolçularına nə deyib? – ÖZÜ AÇIQLADI
“Barselona”nın baş məşqçisi Hansi Flik komandanın son uğursuz nəticələrindən sonra futbolçularla keçirdiyi söhbətdən danışıb.
Sport1.az xəbər verir ki, alman mütəxəssis ardıcıl iki məğlubiyyətdən sonra kollektivlə açıq dialoq apardıqlarını bildirib.
“Son matçlarda çoxlu imkanları qaçırdıq. Ən yaxşı formamıza qayıtmaq üçün nəyi dəyişməli olduğumuzu müzakirə etdik. Bu, açıq dialoq idi. Bəzi məqamları da aydınlaşdırdım. Vacib olan situasiyaları düzgün analiz etmək və onlardan çıxış yolu tapmaqdır. Hansı istiqamətdə inkişaf etməli olduğumuzu bilməliyik”.
Qeyd edək ki, fevralın 12-də Kataloniya təmsilçisi İspaniya Kubokunun yarımfinalında “Atletiko”ya 0:4 hesabı ilə uduzub. Dörd gün sonra isə La Liqa çərçivəsində “Jirona”ya 1:2 hesabı ilə məğlub olub.
