I Liqa
10:23
16.05.2025
189
Kaxaber Tsxadadze: "Qəbələ"nin 15-16 legioner almağa imkanı yoxdur"
"Möhtəşəm hisslər keçirirəm. Bu, böyük məsuliyyət idi".
Bunu Sport1.az-a açıqlamasında futbol üzrə Azərbaycan I Liqasının qalibi olan "Qəbələ" klubunun baş məşqçisi Kaxaber Tsxadadze deyib.
57 yaşlı mütəxəssis çempionluğu şərh edib: "Yeni komanda yaratmalı idik. Bunu bacardığımız üçün çox şadam. Üzərimdəki məsuliyyəti hiss edirdim, hətta buna görə narahat idim. Klubun prezidenti Fariz Nəcəfov mənə və köməkçilərimə güvənirdi. Qarşımıza qoyulan tapşırığın öhdəsindən gəldiyimiz üçün çox şadam. Hətta bunu çox gözəl yerinə yetirdik. Birmənalı olaraq belədir. Digər komandalara hörmət edirəm, amma "Qəbələ" onlardan bir baş üstün idi. Mövsümün bitməsinə 7 tur qalmış Premyer Liqaya vəsiqəni, 4 tur qalmış isə çempionluğumuzu təmin etdik. Bu, klubda olan hər kəsin əməyidir".
O, komandasının növbəti məqsədi barədə söz açıb: "Məqsədimiz təkcə Azərbaycan Premyer Liqasında yüksək yerlər tutmaq deyil, həm də avrokubokların əsas mərhələsinə vəsiqə qazanmaqdır".
Gürcü baş məşqçi mövsüm ərzində qarşılaşdığı çətinliklərə də diqqət çəkib: "Rəqib komandaların bizə qarşı motivasiyası 200 faiz idi. Digər tərəfdən, bu, bizi daha çox konsentrasiya edirdi. Burada iki məqam var: ya ruhdan düşüb zəifləyirsən, ya da daha güclü olursan. Yaxşı ki, bu gün biz daha da güclü olduq. Rəqiblərdə bizi məğlub etmək istəyinin yüksək olması bizə motivasiya verirdi. Onlardan güclü olduğumuzu sübut etməli idik. Bununla daha da irəli getməyi bacardıq. Futbolçulara afərin düşür. Klubun baş meneceri Səbuhi Səfiyarlıya istəklərimi yerinə yetirdiyi üçün təşəkkür edirəm. Ondan cari mövsümə heyətin 95 faizi ilə hazırlaşmaq istədiyimi bildirmişdim. Yalnız iki futbolçu birinci turdan sonra bizə qoşuldu. Qalanlarının hamısı bizimlə hazırlaşırdı, bu da üstünlüyümüz idi. İlk gündən həddindən artıq çox çalışırıq. Köməkçilərimə də təşəkkür edirəm. Futbolçuları düzgün istiqamətləndirməli idik, qalanını isə onların özləri etdilər".
O, "Qəbələ"ni elitaya yüksəltmək üçün həyəcan keçirdiyini söyləyib: "Köməkçilərim George Çıxradze və Miloş Yevtiçlə birgə müzakirələr apardıq. Həyatımızdakı bütün ambisiyaları kənara qoymalı olduğumuzu razılaşdıq. "Qəbələ"yə borclu olduğumuzu hiss edirdik və komandanı Premyer Liqaya qaytarmalı idik. Hiss etdirməsək də, çox həyəcanlı idik. Klub prezidenti Fariz Nəcəfova bizə güvəndiyi üçün təşəkkür edirəm. Sevinirik ki, həm onu, həm də azarkeşlərimizi məyus etmədik. Daha da güclü olmaq üçün buna qədər etdiyimizin ikiqatını etməliyik".
Tsxadadze Azərbaycan Premyer Liqasının gücləndiyini bildirib: "Bu il çox rəqabətli idi. Gələn il daha da artaracaq. "Qarabağ", "Neftçi", "Sabah", "Turan Tovuz" kimi komandalarla rəqabət apara bilmək üçün heyətimizi gücləndirməliyik. Səbuhi Səfiyarlı hansı mövqeyə transferin edilməli olduğunu bilir. Təxminən bir aydır ki, bunların üzərində işləyirik. Hələlik futbolçulara baxış keçiririk. Heyətimizdə çoxlu futbolçu var. Hələ ki qərar verməmişik, amma hansısa futbolçular bizimlə davam etməyə bilər. Çalışmalıyıq ki, nöqtə transferlər edək. "Qəbələ"nin 15-16 legioner almaq imkanı yoxdur. Hazırkı futbolçularla davam edəcəyik".
Tsxadadze "Qəbələ"nin kapitanı Asif Məmmədovu özünə köməkçi götürmək istədiyini də diqqətə çatdırıb: "Asif "Qəbələ" üçün böyük işlər görüb. Onunla çoxdan tanışıq, birlikdə işləmək mənə xoş olar. Şadam ki, onun yaxşı futbolçu olmasında rolum olub. Biz birlikdə "Standard" və "İnter"də də olmuşuq".
Bunu Sport1.az-a açıqlamasında futbol üzrə Azərbaycan I Liqasının qalibi olan "Qəbələ" klubunun baş məşqçisi Kaxaber Tsxadadze deyib.
57 yaşlı mütəxəssis çempionluğu şərh edib: "Yeni komanda yaratmalı idik. Bunu bacardığımız üçün çox şadam. Üzərimdəki məsuliyyəti hiss edirdim, hətta buna görə narahat idim. Klubun prezidenti Fariz Nəcəfov mənə və köməkçilərimə güvənirdi. Qarşımıza qoyulan tapşırığın öhdəsindən gəldiyimiz üçün çox şadam. Hətta bunu çox gözəl yerinə yetirdik. Birmənalı olaraq belədir. Digər komandalara hörmət edirəm, amma "Qəbələ" onlardan bir baş üstün idi. Mövsümün bitməsinə 7 tur qalmış Premyer Liqaya vəsiqəni, 4 tur qalmış isə çempionluğumuzu təmin etdik. Bu, klubda olan hər kəsin əməyidir".
O, komandasının növbəti məqsədi barədə söz açıb: "Məqsədimiz təkcə Azərbaycan Premyer Liqasında yüksək yerlər tutmaq deyil, həm də avrokubokların əsas mərhələsinə vəsiqə qazanmaqdır".
Gürcü baş məşqçi mövsüm ərzində qarşılaşdığı çətinliklərə də diqqət çəkib: "Rəqib komandaların bizə qarşı motivasiyası 200 faiz idi. Digər tərəfdən, bu, bizi daha çox konsentrasiya edirdi. Burada iki məqam var: ya ruhdan düşüb zəifləyirsən, ya da daha güclü olursan. Yaxşı ki, bu gün biz daha da güclü olduq. Rəqiblərdə bizi məğlub etmək istəyinin yüksək olması bizə motivasiya verirdi. Onlardan güclü olduğumuzu sübut etməli idik. Bununla daha da irəli getməyi bacardıq. Futbolçulara afərin düşür. Klubun baş meneceri Səbuhi Səfiyarlıya istəklərimi yerinə yetirdiyi üçün təşəkkür edirəm. Ondan cari mövsümə heyətin 95 faizi ilə hazırlaşmaq istədiyimi bildirmişdim. Yalnız iki futbolçu birinci turdan sonra bizə qoşuldu. Qalanlarının hamısı bizimlə hazırlaşırdı, bu da üstünlüyümüz idi. İlk gündən həddindən artıq çox çalışırıq. Köməkçilərimə də təşəkkür edirəm. Futbolçuları düzgün istiqamətləndirməli idik, qalanını isə onların özləri etdilər".
O, "Qəbələ"ni elitaya yüksəltmək üçün həyəcan keçirdiyini söyləyib: "Köməkçilərim George Çıxradze və Miloş Yevtiçlə birgə müzakirələr apardıq. Həyatımızdakı bütün ambisiyaları kənara qoymalı olduğumuzu razılaşdıq. "Qəbələ"yə borclu olduğumuzu hiss edirdik və komandanı Premyer Liqaya qaytarmalı idik. Hiss etdirməsək də, çox həyəcanlı idik. Klub prezidenti Fariz Nəcəfova bizə güvəndiyi üçün təşəkkür edirəm. Sevinirik ki, həm onu, həm də azarkeşlərimizi məyus etmədik. Daha da güclü olmaq üçün buna qədər etdiyimizin ikiqatını etməliyik".
Tsxadadze Azərbaycan Premyer Liqasının gücləndiyini bildirib: "Bu il çox rəqabətli idi. Gələn il daha da artaracaq. "Qarabağ", "Neftçi", "Sabah", "Turan Tovuz" kimi komandalarla rəqabət apara bilmək üçün heyətimizi gücləndirməliyik. Səbuhi Səfiyarlı hansı mövqeyə transferin edilməli olduğunu bilir. Təxminən bir aydır ki, bunların üzərində işləyirik. Hələlik futbolçulara baxış keçiririk. Heyətimizdə çoxlu futbolçu var. Hələ ki qərar verməmişik, amma hansısa futbolçular bizimlə davam etməyə bilər. Çalışmalıyıq ki, nöqtə transferlər edək. "Qəbələ"nin 15-16 legioner almaq imkanı yoxdur. Hazırkı futbolçularla davam edəcəyik".
Tsxadadze "Qəbələ"nin kapitanı Asif Məmmədovu özünə köməkçi götürmək istədiyini də diqqətə çatdırıb: "Asif "Qəbələ" üçün böyük işlər görüb. Onunla çoxdan tanışıq, birlikdə işləmək mənə xoş olar. Şadam ki, onun yaxşı futbolçu olmasında rolum olub. Biz birlikdə "Standard" və "İnter"də də olmuşuq".
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.