"Sumqayıt" bu məsələrlə bağlı AFFA-ya şikayət edəcək? – RƏSMİ AÇIQLAMA

AFFA İntizam Komitəsi son iclasında bir sıra qərarlar qəbul edib.

Misli Premyer Liqasının XX turunda “Araz-Naxçıvan”la səfər oyununda 74-cü dəqiqədə təcavüzkar davranışa görə birbaşa qırmızı vərəqə alan Aleksandr Ramalinqo 3 oyunluq cəzaya məruz qalıb. Klub isə bu epizoda görə 3000 manat cərimələnib.

Bununla yanaşı, azarkeşlərin rəqib komandanın və hakimlərin ünvanına kütləvi şəkildə təhqiramiz ifadələr səsləndirməsi və bu halın cari mövsümdə ikinci dəfə təkrarlanması səbəbindən “Sumqayıt” əlavə olaraq 6000 manat cərimə olunub.

Klubun mətbuat katibi Zaur Xudiyev Sport1.az-a açıqlamasında qərardan apelyasiya şikayəti verilməyəcəklərini bildirib. Onun sözlərinə görə, komanda daha əvvəl də bir neçə dəfə apelyasiya müraciəti edib, lakin müsbət nəticə əldə olunmayıb.

Xudiyev nümunə kimi baş məşqçi Saşa İliçə verilən 4 oyunluq cəzanı xatırladıb. Klub həmin qərardan da apelyasiya şikayəti versə də, müraciət təmin olunmamışdı. Buna görə də “Sumqayıt” bu dəfə hüquqi prosesi davam etdirməmək qərarına gəlib.

NİHAT KƏRİMLİ