"Neftçi"nin futbolçusu avrokuboklara vəsiqə qazanacaqlarına əmindir - AÇIQLAMA
Misli Premyer Liqasında 19-cu turunda "Neftçi" doğma meydanda "Qəbələ"ni məğlub etdi - 1:0.
Qarşılaşmadan sonra ev sahiblərinin futbolçusu İmad Faraj sport1.az-a açıqlama verdi. Yarımmüdafiəçi ikinci hissənin daha çətin keçdiyini bildirdi:
"Oyuna yaxşı başlasaq da, fasilədən sonra çətinliklər yaşadıq. Rəqibin oyun tərzi bizi daha çox müdafiəyə meyilli oynamağa vadar etdi. Əsas olan nəticədir və qalib gəldiyimiz üçün xoşbəxtəm".
Komandanın baş məçqçisi Yuri Vernidub haqqında danışan fransalı bunları söylədi:
"Bizə çoxlu qələbə lazımdır. Baş məşqçi gəldikdən sonra daha çox çalışırıq, intensiv məşqlər edirik. Boşluqlar verməyə çalışırıq. Bundan əvvəlki statistikaya baxsanız, bunun təsirini aydın şəkildə görə bilərsiniz".
İmad Faraj avrokuboklar şansları haqda da danışdı:
"Buna inanıram. Yüz faiz avrokuboklara gedəcəyik".
MƏHƏMMƏD HÜSEYNOV
