AFFA rəsmisi bu hərəkəti Kurban Berdiyevə yaraşdırmadı - AÇIQLAMA

“Turan Tovuz” Bizon Azərbaycan Kubokunun 1/4 final mərhələsinin ilk oyunu çərçivəsində doğma meydanda “Kəpəz”i 1:0 hesabı ilə məğlub etdi.

Sport1.az xəbər verir ki, “Azersun Arena”da keçirilən qarşılaşmanın gedişində diqqətçəkən məqam “boz qurd"un baş məşqçisi Kurban Berdiyevin qırmızı vərəqə alaraq texniki zonadan uzaqlaşdırılması oldu.

73 yaşlı mütəxəssis hakimin qərarına sərt etiraz etdiyinə görə cəzalandırıldı. Mütəxəssis həmin epizodda 4-cü hakim Elvin Bayramova çiyin vurması ilə də diqqət çəkdi. Hadisə ilə bağlı Ümumittifaq dərəcəli keçmiş hakim Rüstəm Rəhimov mövqeyini öyrəndik. AFFA Veteranlar İttifaqının sədr müavini Sport1.az-a açıqlamasında Kurban Berdiyevin davranışını doğru hesab etmədiyini bildirdi: 

“Kurban Berdiyev çox təcrübəli məşqçidir, böyük mütəxəssisdir. Ona bu hərəkəti heç yaraşdırmadım. Belə hallarda təmkinli olmaq lazımdır. Ona bunu sığışdırmadım”.

NİHAT KƏRİMLİ