Rza Cəfərov “Qəbələ”ni buna görə seçib – ÖZÜ AÇIQLADI

“Qəbələ”nin yeni transferi Rza Cəfərov klubdakı ilk təəssüratlarını bölüşüb.

Sport1.az xəbər verir ki, qapıçı “qırmızı-qaralar”ın mətbuat xidmətinə açıqlamasında bunları deyib: “İllər sonra yenidən bu meydanda məşq etmək və bu komandanın şərəfini qorumaq mənim üçün çox xoşdur”.

O, “Qəbələ”ni seçməsinin səbəblərinə də toxunub: “Başqa klublardan da təkliflərim var idi. Lakin “Qəbələ” mənə daha doğma gəldiyi üçün buranı seçdim. Gənc bir futbolçu kimi inanıram ki, bu klubun bazası, meydanları və peşəkar məşqçi heyəti inkişafımda mühüm rol oynayacaq”.

Cəfərov azarkeşlərə də müraciət edib: “Bura gəlməmişdən əvvəl azarkeşlərdən çoxlu dəstək mesajları alırdım. Buna görə hər birinə təşəkkür edirəm. İnanıram ki, hər şey yaxşı olacaq və komandamız qələbələrlə azarkeşləri sevindirəcək”.

Qeyd edək ki, “Qəbələ” Rza Cəfərovu mövsümün sonuna qədər “Neftçi”dən icarəyə götürüb. Qapıçının paytaxt klubu ilə müqaviləsi 2027/2028 mövsümünün sonunadək qüvvədədir.