Vaci hədəflərinə çatacaqlarına inanır – MÜSAHİBƏ
Misli Premyer Liqasının 17-ci turunda “Turan-Tovuz” "Sumqayıt"ı məğlub etdi - 2:1.
Sport1.az xəbər verir ki, oyundan sonra qonaqların üzvü İbrahima Vaci jurnalistlərin suallarını cavablandırdı.
Həmin müsahibəni təqdim edirik...
– Komandanın durumu ilə bağlı nə deyə bilərsən?
– Motivasiyamız çox yüksəkdir. Yaxşı komandamız var. Bunu hamı görə bilər. Tam şəkildə hədəfimizə köklənmişik.
– Bundan sonrası üçün planınız nədir?
– Bu oyunu artıq bitmiş hesab edirik. Qalib gəldik. İndi bütün diqqətimizi növbəti oyuna yönəldəcəyik. Ona hazırlaşacağıq. Necə alınacağını zaman göstərəcək.
– Hədəfinizə çatacağınıza inanırsınız?
– Bəli! Tam inanırıq. Bu, arzumuzdur və ora çatmaq istəyirik. Hər oyunda əlimizdən gələni edirik. Daha da yaxşılaşırıq. İnşallah, sonda istədiyimiz nəticəyə çatacağıq.
– Növbəti rəqibiniz “Qarabağ”dır. Bu oyun haqda fikrin nədir?
– Rəqib güclü komandadır. Onlara hörmətlə yanaşırıq. Amma bu, futboldur. Qələbə üçün oynayacağıq. Görək necə olacaq.
– İkinci hissədə oyunda bəzi çətinliklər yaşandı. Problem nə idi?
– Ciddi nəsə yox idi. Oyunun əvvəlindən yaxşı oynayırdıq. İkinci hissə normal idi. Hesab bərabərləşəndə rəqib təzyiq göstərməyə başladı. Bu, futbolda normal haldır. Biz nə edəcəyimizi bilirdik. Öz oyunumuzu oynadıq.
MƏHƏMMƏD HÜSEYNOV
