“Qarabağ” 2 milyonluq hücumçu gətirir - İDDİA

“Qarabağ” heyətini hücumçu ilə gücləndirə bilər.

Sport1.az xəbər verir ki, məlumatı Xorvatiyanın “Sportske Novosti” nəşri yayıb. Ağdam təmsilçisi “İstra”da çıxış edən Salim Faqo Lavalı heyətinə cəlb etmək istəyir. 23 yaşlı forvardın hazırkı klubu ilə yaxın günlərdə yollarını ayıracağı gözlənilir.

Keçid rəsmiləşəcəyi təqdirdə “İstra” bu transferdən 2 milyon avrodan artıq gəlir əldə edəcək. Bu məbləğ klub tarixinin rekord satışı kimi yadda qalacaq.

Qeyd edək ki, hücumçu cari mövsüm bütün turnirlər üzrə 19 oyunda 7 qol vurub, 2 məhsuldar ötürmə edib. 184 sm boya sahib futbolçu ötən ilin dekabrında Nigeriya millisində debüt edib və Afrika Millətlər Kubokunda da bir qarşılaşmada şans qazanıb.