Ronaldonun komanda yoldaşı “Sumqayıt”ın hədəfində – ÖZƏL

“Sumqayıt” yeni hücumçu transfer etməyə hazırlaşır.

Sport1.az-a daxil olan məlumata görə, Premyer Liqa təmsilçisi Dominikan Respublikasından olan Dorni Romero ilə təmasdadır. 27 yaşlı forvard hazırda “Bolívar” klubunda çıxış edir. Onun Boliviya təmsilçisi ilə müqaviləsi 2026-cı ilin sonuna qədər qüvvədədir.

Hər iki ayağı işlək olan Romero Dominikan Respublikası millisinin əsas üzvlərindəndir. Hücumçu yığmanın heyətində 43 oyunda meydana çıxıb və 25 qola imza atıb. Dorni Romero məhsuldarlığl ilə diqqət çəkir. O, 2025-ci il ərzində klub və milli komanda səviyyəsində ümumilikdə 53 matçda forma geyinib, 31 qol vurub və 6 məhsuldar ötürmə edib.

Qeyd edək ki, Dominikan Respublikası millisinin digər hücumçusu Ronaldo Vaskez də hazırda “Sumqayıt”ın formasını geyinir.