“Yuventus” “İnter” və “Napoli”nin səviyyəsinə çatmaq üçün xeyli inkişaf etməlidir”

“Yuventus”un baş məşqçisi Luçano Spalletti komandasının hələlik “İnter” və “Napoli”nin səviyyəsinə çatmadığını etiraf edib.

Sport1.az xəbər verir ki, italiyalı mütəxəssis A Seriyasının 20-ci turunda “Kremoneze” üzərində 5:0 hesablı qələbədən sonra bu barədə danışıb. Spallettinin sözlərinə görə, lider komandaların səviyyəsinə yüksəlmək üçün daha çox inkişaf etmək vacibdir:

“Dünən “İnter” – “Napoli” oyununu izlədim. Onlar çox yüksək səviyyəli, açıq və hücumameyilli futbol oynadılar. Hər iki komanda öz məşqçilərinin ideyalarını meydanda aydın şəkildə göstərir. Bizim də onların səviyyəsinə çatmaq üçün ciddi şəkildə inkişaf etməyimiz lazımdır və bunu tez etməliyik”.

Qeyd edək ki, “Yuventus” hazırda 20 turdan sonra 39 xalla A Seriyasında dördüncü pillədə qərarlaşıb.