Premyer Liqada dekabrın ən yaxşı futbolçusu adına namizədlər açıqlandı

İngiltərə Premyer Liqası dekabr ayının ən yaxşı futbolçusu adına namizədlərin siyahısını açıqlayıb.

Sport1.az xəbər verir ki, mükafat uğrunda 8 futbolçu mübarizə aparacaq. Namizədlər bunlardır: Dominik Kalvert-Lyuin (“Lids”), Rayan Şerki, Erlinq Haaland, Fil Foden (hamısı “Mançester Siti”), Uqo Ekitike (“Liverpul”), Morqan Rocers, Olli Uotkins (hər ikisi “Aston Villa”) və Harri Uilson (“Fulhem”).

Ayın ən yaxşı futbolçusu azarkeşlər və ekspertlər arasında keçiriləcək səsvermənin nəticələrinə əsasən müəyyənləşəcək.

Qeyd edək ki, noyabr ayının ən yaxşı oyunçusu adına “Brentford”un hücumçusu İqor Tiaqo layiq görülmüşdü.