“Bavariya” gənc ulduzuna yeni müqavilə hazırlayır
“Bavariya” gənc yarımmüdafiəçisi ilə bağlı qərarını verib.
Sport1.az xəbər verir ki, Almaniya nəhəngi Lennart Karlın müqaviləsini uzatmaq niyyətindədir. “Bild” nəşrinin məlumatına görə, gələn ay 18 yaşı tamam olacaq futbolçunun mövcud müqaviləsi avtomatik olaraq peşəkar status alacaq və 2029-cu ilin yayına qədər qüvvədə qalacaq.
Bununla belə, Münhen klubu yarımmüdafiəçi ilə yeni razılaşma imzalamağı planlaşdırır. Rəhbərlik Karlın müqavilə müddətini 2031-ci ilin yayına qədər uzatmaqla yanaşı, maaşını da əhəmiyyətli dərəcədə artırmaq istəyir. Hazırda illik 1–2 milyon avro qazanan futbolçunun yeni sözləşmə ilə 5–7 milyon avro aralığında məvacib alması gözlənilir.
Qeyd edək ki, 17 yaşlı yarımmüdafiəçi bu mövsüm bütün turnirlərdə 22 oyunda forma geyinib, 6 qol vurub və 2 məhsuldar ötürmə edib.
