Endrik: “Real”dan ayrılmağı Karlo məsləhət gördü”

Braziliyalı hücumçu Endrik karyerasını “Lion”da davam etdirməsi ilə bağlı qərarına Braziliya millisinin baş məşqçisi Karlo Ançelottinin də təsir etdiyini bildirib.

Sport1.az xəbər verir ki, bu barədə futbolçu “Goal” nəşrinə açıqlamasında danışıb. Endrik qeyd edib ki, Ançelotti ilə aralarında baş tutan söhbət onun üçün həlledici məqamlardan biri olub:

“Bu mövzuda Karlo ilə danışdım. O, oyunumu inkişaf etdirmək üçün nələr etməli olduğumu dedi və bu, məni çox təsirləndirdi. Daha çox oyun vaxtı qazanmaq və inkişaf etmək üçün “Real”dan ayrılmağı məsləhət gördü. Təbii ki, bu, mənim qərarımdır, amma Karlo da bu prosesdə rol oynadı. O, çox yaxşı məşqçidir”.

Qeyd edək ki, 19 yaşlı futbolçu dekabrın 23-də icarə əsasında Madrid “Real”ından Fransanın “Lion” klubuna keçib.