“Neftçi” başladı

“Neftçi” qış təlim-məşq toplanışına start verib.

Sport1.az xəbər verir ki, bu barədə klubun mətbuat xidməti məlumat yayıb. Yanvarın 4-də BƏƏ-yə yollanan Bakı təmsilçisi dünən axşam paytaxt Əbu-Dabidə ilk məşqini keçirib. Bu gün səhər “ağ-qaralar” hazırlığı baş məşqçi Yuri Vernidubun rəhbərliyi altında davam etdirib. Günün ikinci məşqi isə axşam saatlarında baş tutacaq.

Qeyd edək ki, “Neftçi” toplanış çərçivəsində üç yoxlama oyunu keçirməyi planlaşdırır. Komanda yanvarın 9-da Qazaxıstanın “Kayrat”, 13-də Misirin “Piramids”, 16-da isə Çinin “Çenqdu Ronqçenq” klubları ilə üz-üzə gələcək. Təlim-məşq toplanışı yanvarın 17-dək davam edəcək.