Rəşad Sadıqov bu futbolçunu istəmir – ÖZƏL

“Zirə”nin baş məşqçisi Rəşad Sadıqov Eldar Quliyevlə bağlı qərarını verib.

Sport1.az-a daxil olan məlumata görə, çalışdırıcı yarımmüdafiəçini komandanın gələcək planlarında görmür və ona özünə klub tapmasını bildirib.

Lakin Eldar Quliyev hazırda komandadan ayrılmaq niyyətində deyil. Futbolçu müqaviləsinin sonuna qədər qalacağını bildirib. Bu səbəbdən onun qış fasiləsində “Zirə”dən gedişi inandırıcı görünmür.

Qeyd edək ki, 23 yaşlı yarımmüdafiəçinin klubla müqaviləsi 2026-cı ilin yayına qədər qüvvədədir. O, cari mövsümdə Premyer Liqada 6 oyunda meydana çıxsa da, məhsuldar göstəricilərlə yadda qalmayıb.