“Neftçi”də sürpriz ayrılıq gündəmdə

Vensan Abubakarın “Neftçi”dəki karyerası qısa müddətli ola bilər.

Sport1.az xəbər verir ki, kamerunlu hücumçunun Cənubi Amerikaya yollanmaq ehtimalı gündəmdədir. 33 yaşlı forvard “Vasko da Qama” klubuna təklif olunub və Rio-de-Janeyro təmsilçisi bu transfer variantını dəyərləndirməyə başlayıb. Braziliya klubu yeni mövsüm öncəsi hücum xəttini gücləndirməyi planlaşdırır.

Abubakar özü də bu bu təklifə müsbət yanaşır. Lakin futbolçunun əsas şərti iddialı layihənin təqdim olunmasıdır. Yalnız bu halda o, “Vasko da Qama”ya keçməyə razılıq verə bilər.

Qeyd edək ki, Vensan Abubakarın “Neftçi” ilə müqaviləsi mövsümün sonuna qədər qüvvədədir. Tərəflər arasında yeni sözləşmənin imzalanması gözlənilmir. Eyni zamanda, baş məşqçi Yuri Vernidubun hücumçuya əsas heyətdə davamlı şans verməyi planlaşdırmadığı da vurğulanır.

Cari mövsümdə “Neftçi”nin heyətində 10 oyuna çıxan Abubakar 5 qol vurub və 1 məhsuldar ötürmə edib.