“Zirə”nin Antalyadakı ilk sınaq rəqibi bəlli oldu

“Zirə”nin Türkiyədə keçiriləcək qış təlim-məşq toplanışı çərçivəsində üz-üzə gələcəyi rəqiblərdən biri bəlli olub.

Sport1.az xəbər verir ki, Rəşad Sadıqovun rəhbərlik etdiyi kollektiv Antalya hazırlığı zamanı Ukraynanın “Oleksandriya” klubu ilə yoxlama görüşü keçirəcək. Qarşılaşmanın yanvarın 16-da baş tutacağı planlaşdırılır.

“Zirə”nin Türkiyə toplanışı çərçivəsində daha bir sınaq matçı keçirməsi nəzərdə tutulur. Lakin həmin oyunun rəqibi və dəqiq tarixi hələlik açıqlanmayıb.

Qeyd edək ki, yanvarın 3-də Bakıda bir araya gələn qəsəbə təmsilçisi ayın 10-dək paytaxtda hazırlıq prosesini davam etdirəcək. Daha sonra komanda Türkiyəyə yollanacaq.