“Araz-Naxçıvan”ın məşqçilər korpusu bəlli oldu

“Araz-Naxçıvan” klubunda baş məşqçi Andrey Demçenkonun köməkçiləri müəyyənləşib.

Sport1.az xəbər verir ki, bu barədə Muxtar Respublika təmsilçisinin mətbuat xidməti məlumat yayıb. Ukraynalı mütəxəssisin fiziki hazırlıq üzrə köməkçisi italiyalı Rikardo De Vivo olacaq. UEFA-nın A kateqoriyalı məşqçi lisenziyasına sahib olan 45 yaşlı fitnes-məşqçisinin son iş yeri Tbilisinin “Dinamo” klubu olub.

Rikardo De Vivo müxtəlif illərdə Qazaxıstanın “Jenis”, Latviyanın “Liepaya”, Gürcüstanın “Lokomotiv” (Tbilisi), Yunanıstanın “Episkopi” və digər klublarda da çalışıb.

Baş məşqçinin digər köməkçiləri qapıçılar üzrə məşqçi Cəmaləddin Əliyev, həmçinin Vidadi Nuriyev və Əfran İsmayılov olacaq.